Uit die donker

Santie van der Merwe

Sep 2022 · Penguin Random House South Africa

About this ebook

Die ding lyk geheel en al anders noudat dit in die ope is, noudat dit in die lig is. Ian Strydom het twee gesinne: Madelein en driejarige Liam vir wie hy soveel tyd moontlik steel, en Henriette en sy ouer kinders wat hom al minder nodig het. Henriette vermoed haar man het ’n verhouding, maar wil dit nie aan haarself erken dat haar prentjiegesin aan die verbrokkel is nie. Haar geluk draai om dié lewe wat sy deur soveel jare opgebou het, en waarvoor sy so baie prysgegee het. Madelein, aan die ander kant, is bewus van Ian se vrou en kinders. Haar verhouding met Ian was aanvanklik slegs platonies, maar nou besef sy dat sy te vas aan hom gegroei het. En klein Liam begin vrae vra oor sy pappa wat bykans nooit by die huis slaap nie. Veel langer sal sy nie ’n leuen kan lewe nie. Wanneer een van Ian se ouer kinders hom toevallig saam met sy tweede gesin sien, kan Ian nie langer die onafwendbare besluit wat hy moet neem uitstel nie. ’n Besluit wat nie net ’n omwenteling in sy eie lewe gaan bring nie, maar ook in die lewens van al die mense wat hy liefhet.

About the author

As jong tuisblyma het Santie van der Merwe ’n paar kortverhale in tydskrifte gepubliseer. Toe haar jongste kind universiteit toe is, het sy vir die Bloemfonteinse Skrywersvereniging se jaarlikse skryfwedstryd ingeskryf en het tweede prys vir haar kortverhaal, “’n Dag in Junie” gewen. Dit was haar motivering om haar hand aan ’n roman te waag. Sy het intussen sewe romans geskryf, waarvan Gelyke kans en Anderkant vergeet albei finaliste was vir die ATKV-Woordveertjie vir Liefdesromans.