या पुस्तकाच्या विभाग एकमध्ये मी अशा गोष्टी मांडल्या आहेत ज्यावर आपण विश्वास ठेवतो, आपल्या जीवनावर त्यांचा प्रभाव पडतो. या गोष्टींचे मी विविध गटात वर्गीकरण केले आहे. त्यापैकी तुम्ही कोणत्या गटात बसता याचा विचार प्रथम तुम्ही करायचा आहे. पुस्तकाच्या दुसर्या विभागात आपण आपले आयुष्य जगावे कसे, अपेक्षित यश मिळण्यासाठी, आपल्या समस्या सोडविण्यासाठी, चिंतामुक्तीसाठी काय करायला हवे याबद्दल मी लिहिलेले आहे.
मी राजन दुर्गाडे या पुस्तकाचा लेखक. महाराष्ट्रातील सांगली जिल्ह्यातील मिरजमध्ये राहणारा. संस्कार ही लहान मुलांसाठी लिहिलेली आणि ऑक्सिजन अनिमेशन स्टुडिओने तयार केलेली कार्टून फिल्म सध्या युट्युबवर गाजत आहेत. यासोबतच मी लिहिलेली 'ज्वानीचा झटका' आणि 'फ्रेंडशिप तुझी माझी' युट्युबवर प्रेक्षकांच्या पसंतीस उतरत आहेत. या पुस्तकांबरोबरच माझे 'मान सन्मान ' हे पुस्तक गुगल बुक्स वर प्रकाशित केले आहे. ते ही तुम्ही नक्की वाचा.